وفاقی دارالحکومت اسلام آباداورخیبرپختونخوا کے متعدد علاقوں میں زلزلے کے جھٹکے محسوس کئے گئے، زلزلے کی شدت 5.4 ریکارڈ کی گئی ۔
میڈیا رپورٹ کے مطابق اسلام آباد ، راولپنڈی کے علاوہ خیبرپختونخوا کے مختلف علاقوں میں جمعرات کو زلزلے کے جھٹکے محسوس کیے گئے۔
خیبرپختونخوا کے علاقے مردان، ملاکنڈ، ہنگو، شانگلہ، دیر، چارسدہ بھی زلزلے کے شدید جھٹکوں سے لرز اٹھے۔
ایبٹ آباد، ہری پور، مانسہرہ ،صوابی، دیر مانسہرہ اور مردان میں بھی زلزلہ کے جھٹکے محسوس کیے گئے ۔
زلزلہ پیما مرکز کے مطابق ریکٹر اسکیل پر زلزلے کی شدت 5.4 تھی جبکہ اس کا مرکز ہندو کش کا علاقہ تھا، زلزلے کی گہرائی زیر زمین 215 کلومیٹر تھی۔
فوری طور پر کسی نقصان کی اطلاع نہیں ملی ۔
