آئی ایس آئی کے سابق ڈی جی لیفٹیننٹ جنرل ریٹائرڈ فیض حمید کو فوجی تحویل میں لے لیا گیا۔
پاک فوج کے شعبہ تعلقات عامہ (آئی ایس پی آر) کی طرف سے جاری بیان کے مطابق لیفٹیننٹ جنرل ریٹائرڈ فیض حمید کے خلاف سپریم کورٹ کے حکم پر ٹاپ سٹی ہائوسنگ سکیم کی کورٹ آف انکوائری شروع کی گئی۔
میڈیا رپورٹ کے مطابق ٹاپ سٹی کیس میں لیفٹیننٹ جنرل ریٹائرڈ فیض حمید کے خلاف متعدد سنگین نوعیت کی شکایات تھیں ۔
آئی ایس پی آر کے مطابق سپریم کورٹ آف پاکستان کے فیصلے کی روشنی میں لیفٹیننٹ جنرل ریتائرڈ فیض حمید کے خلاف پاکستان آرمی ایکٹ کے تحت تادیبی کارروائی شروع کردی گئی ہے۔
ترجمان پاک فوج کے مطابق سابق ڈی جی آئی ایس آئی جنرل (ر) فیض حمید کو تحویل میں لے لیا گیا ہے اور=ان کے خلاف فیلڈ جنرل کورٹ مارشل کا عمل شروع کردیا گیا ہے۔
