اسلام آباد( نئی تازہ رپورٹ) اسلام آباد میں طالبات، ٹیچرز اور تمام خواتین کے لیے فری پنک بس سروس کا افتتاح ہوگیا۔ بسیں بدھ سے تمام بڑے روٹس پر چلیں گی۔
وفاقی وزیر تعلیم خالد مقبول صدیقی پنک بسز کا افتتاح نے کیا۔
وفاقی وزارت تعلیم کے تحت چلنے والی پنک بسوں کی تعداد ابتدائی طور پر 20 ہے ، بس سروس کا مقصد خواتین کو بہترین سفری سہولیات فراہم کرنا ہے۔ حکومتی ذرائع کے مطابق اقدام کا مقصد اسلام آباد میں لڑکیوں کی تعلیم کا فروغ اور خواتین کو بااختیار بنانا ہے۔
وفاقی وزارت تعلیم کے مطابق بسوں میں خواتین مفت اور محفوظ سفر کر سکیں گی، پنک بسیں 7 اگست سے وفاقی دارالحکومت کے تمام بڑے روٹس پر چلیں گی۔
افتتاح کے موقع پر سیکریٹری ایجوکیشن محی الدین احمد وانی نے بسوں کے حوالے سےوفاقی وزیر تعلیم خالد مقبول صدیقی کو تفصیلی بریفنگ دی۔
