کراچی ( نئی تازہ ڈیسک) محکمہ ٹرانسپورٹ سندھ نے کراچی کے شہریوں کے لیے پیپلز بس سروس کے تین نئے روٹس کا اعلان کیا ہے۔
نئے روٹس میں ہاکس بے سے ٹاور تک روٹ نمبر 13 کا آغاز 22 جولائی سے ہوگا۔ روٹ نمبر 12 میں ردو بدل کیا گیا ہے اور 23 جولائی سے اس روٹ کی بس کھوکھراپار کے بجائے قائد آباد اور کورنگی کے راستے میمن گوٹھ سے ٹاور تک چلائی جائے گی ۔
اس کے علاوہ 24 جولائی سے بحریہ ٹاؤن سے نمائش چورنگی تک الیکٹرک بس کا نیا روٹ، ای وی 4، شروع ہوگا۔ اسی طرح یوسف گوٹھ سے ٹاور تک روٹ نمبر 8، 25 جولائی سے شروع ہو جائے گا۔
وزیر ٹرانسپورٹ سندھ شرجیل انعام میمن نے کہا ہے کہ بسوں کے نئے روٹس کراچی میں پبلک ٹرانسپورٹ کا دائرہ کار بڑھانے کےلیے حکومت سندھ کی کوششوں کا حصہ ہیں۔
