بھارتی میڈیا رپورٹس میں دعویٰ کیا گیا ہے کہ معروف ٹینس اسٹار ثانیہ مرزا جلد ہی کرکٹر محمد شامی سے شادی کرنے والی ہیں۔
ثانیہ مرزا کی شادی اس سے قبل سابق پاکستانی کرکٹر شعیب ملک سے ہوئی تھی اور ان کا ایک بیٹا اذہان مرزا ملک ہے جو والدہ کے ساتھ رہتا ہے۔
ثانیہ مرزا کے والد نےرواں سال کے آغاز میں شعیب ملک سے طلاق کی تصدیق کی تھی۔ان کے والد نے کہا تھا کہ شعیب اورثانیہ کے درمیان طلاق کو چند ماہ ہوچکے ہیں۔
یاد رہے کہ پاکستانی اداکارہ ثناء جاوید سے دوسری شادی کرنے والے کرکٹرشعیب ملک اور سابق بھارتی ٹینس اسٹار ثانیہ مرزا کے مابین اختلافات اورطلاق ہو جانے کی خبریں دسمبر 2022 سے پھیلی ہوئی تھیں۔ لیکن دونوں جانب سے کبھی واضح طور پر اس کی تردید یا تصدیق نہیں کی گئی تھی۔
دونوں کی طلاق کے بعد اب کئی بھارتی میڈیا ویب سائٹس نے دعویٰ کیا ہے کہ ثانیہ مرزا اور کرکٹرمحمد شامی 20 اگست کو شادی کرلیں گے۔
سوشل میڈیا پر بھارتی میڈیا کی رپورٹس کا حوالہ دیتے ہوئے مختلف پوسٹس میں کہا گیا ہے یہ جوڑا جلد شادی کر سکتا ہے۔
یاد رہے کہ رواں برس جنوری میں بھی ثانیہ مرزا کی بھارتی فاسٹ بولر محمد شامی کے ساتھ شادی کی افواہیں گردش کرتی رہی تھیں۔
