وزیراعظم شہباز شریف نے عیدالاضحیٰ سے قبل پیٹرول کی قیمت میں 10 روپے سے زائد کمی کا اعلان کردیا۔
وزیراعظم آفس سے جاری بیان کے مطابق وزیراعظم شہباز شریف نے بڑی عید پر عوام کو بڑی عیدی دیتے ہوئے پٹرول کی قیمت میں 10 روپے 20 پیسے فی لیٹر کمی کر دی جبکہ ڈیزل کی قیمت میں بھی 2 روپے 33 پیسے فی لیٹر کی کمی کا اعلان کیا ہے ۔
وزیر اعظم کی جانب سے کمی کے بعد پیٹرول کی نئی قیمت 258.16 روپےفی لیٹر ہو گئی ہے، اسی طرح ڈیزل کی نئی قیمت بھی کم ہو کر 267.89 روپے فی لیٹر ہو گئی ہے۔
پیٹرول اور ڈیزل کی نئی قیمتوں کا اطلاق 15 جون 2024 سے ہو گا۔
یاد رہے کہ اس سے قبل یکم جون 2024 کو حکومت نے پیٹرول کی قیمت میں 4 روپے 74 پیسے جبکہ ڈیزل کی فی لیٹرقیمت میں 3 روپے 86 پیسے کمی کی تھی۔
