کراچی ( مانیٹرنگ ڈیسک) مسلم لیگ ن کے سینئر رہنما اور نواز شریف کے سابق ترجمان محمد زبیر نے پارٹی چھوڑنے کا اعلان کیا ہے۔
ایک بیان میں مسلم لیگ ن کے سینئر رہنما محمد زبیر نے کہا کہ کافی عرصہ پہلے پارٹی چھوڑنے کاارادہ کر لیا تھا، اب فیصلہ کیا ہے کہ مسلم لیگ ن کو خیر باد کہہ دوں۔
انہوں نے کہا کہ جب تک سویلین بالادستی کی بات ہو رہی تھی میں تب تک پارٹی کے ساتھ تھا، انہوں نے کہا کہ ہر قیمت پر اقتدار میں ہی رہنا ہے تو بہت مشکل ہو جاتا ہے، پارٹی کا مؤقف تبدیل ہوچکا تھا پھر الگ ہونا ہی بہتر تھا۔
سابق گورنر کے مطابق تحریک عدم اعتماد کے معاملہ اور پی ڈی ایم کی 16 ماہ کی کارکردگی سمیت مختلف ایشوز پر پارٹی سے اختلافات تھے، ہمارا ووٹ کو عزت دو کا نعرہ تھا۔
یہ بھی پڑھیں :پاکستان میں ذی الحج کا چاند نظر آگیا، عیدالاضحیٰ 17 جون کو ہوگی
محمد زبیر نے کہا کہ شاہد خاقان عباسی کی نئی جماعت سمیت کسی پارٹی میں شامل ہونے کا فیصلہ ابھی نہیں کیا،سیاسی مستقبل کا فیصلہ دوستوں کے مشورے سے کروں گا۔
