لاہور ( نئی تازہ مانیٹرنگ) لاہور میں مبینہ پولیس مقابلوں میں مختلف وارداتوں میں ملوث 5 ڈاکو مارے گئے۔
میڈیا رپورٹ کے مطابق لاہور کے علاقے مسلم ٹاؤن میں پولیس کے ساتھ فائرنگ کے تبادلے کے بعد 2 ڈاکو عبد القادر اور کاشف ہلاک ہوگئے۔
ڈاکوؤں نے چند روز قبل اقبال ٹاؤن لاہو میں ڈکیتی مزاحمت پر حج کے لیے جانے والے شہری فاروق اعظم کو قتل کردیا تھا۔جبکہ فائرنگ سے فاروق اعظم کا بیٹا زخمی ہوا تھا۔
ایک الگ وقعہ میں لاہور کے علاقے کاہنہ میں پولیس مقابلے کے دوران 2 ملزمان فرحان اور زین مارے گئے۔
ایک اور کارروائی میں باٹا پورلاہور پولیس نے متعدد مقدمات میں ملوث ڈاکوکوہلاک کر دیا۔
بتایا گیا ہے کہ مارا جانے والا عبدالرافع قتل، اقدام قتل اور ڈکیتی سمیت متعدد مقدمات میں پولیس کومطلوب تھا، یاد رہے کہ عبدالرافع کی پولیس کو سرعام للکارنے کی متعدد ویڈیوز بھی سوشل میڈیا پرجاری کی گئی تھیں۔
