یوٹیلیٹی اسٹورز پرسبسڈائزڈ گھی کی قیمت میں 18 روپے فی کلو کمی کردی گئی۔ رجسٹرڈ صارفین کو گھی اب 393 روپے کے بجائے 375 روپے فی کلوگرام دستیاب ہوگا۔
یوٹیلیٹی اسٹورز کارپوریشن کے بیان کے مطابق بینظیر انکم سپورٹ پروگرام کے تحت رجسٹرڈ خاندانوں کےلیے گھی کی قیمت میں 18 روپے فی کلو گرام کمی کی گئی ہے، یوٹلیٹی سٹورز سے بی آئی ایس پی رجسٹرڈ صارفین کےلیے گھی اب 393 روپے کے بجائے 375 روپے فی کلوگرام دستیاب ہوگا ۔
یوٹیلیٹی اسٹورز کارپوریشن کے مطابق عام صارفین کے لیے بھی گھی کی قیمت میں18 روپے فی کلوگرام کمی کی گئی ہے، عام صارفین کو گھی 463 روپے کے بجائے اب 445 روپے فی کلوفراہم کیا جائے گا۔
تمام یوٹیلیٹی اسٹورز پر گھی کی نئی قیمتوں کا اطلاق کردیا گیا ہے۔
