اسلام آباد ( نئی تازہ مانیٹرنگ) پاکستان تحریک انصاف کے سیکرٹری اطلاعات رؤف حسن پر حملے کا مقدمہ تھانہ آبپارہ میں درج کرلیا گیا۔
میڈیا رپورٹ کے مطابق پی ٹی آئی کے ترجمان رؤف حسن پر حملے کا مقدمہ ان کی اپنی مدعیت میں اسلام آباد کے تھانہ آبپارہ میں درج کرلیا گیا ہے۔
رؤف حسن کی مدعیت میں تھانہ آبپارہ میں درج آیف آئی آر میں قتل کی کوشش کی دفعہ شامل کی گئی ہے۔
رپورٹ کے مطابق پی ٹی آئی سیکرٹری اطلاعات رؤف حسن نے پولیس کواپنے بیان میں بتایا کہ بظاہر خواجہ سرا نظر آنے والوں نے نجی ٹی وی کے آفس سے نکلنے پر مجھ پر پارکنگ میں حملہ کیا۔ انہوں نے بتایا کہ 2 روز قبل بلیو ایریا میں بھی ان پر حملے کی کوشش کی گئی تھی۔
