اسلام اباد (نئی تازہ رپورٹ) رواں مالی سال کے آغاز سے ملک کے زرمبادلہ کے ذخائر میں 4.156 ارب ڈالر کا نمایاں اضافہ ہوا ہے جو بڑھ کر 13.316 ارب ڈالرتک پہنچ گئے ۔
اسٹیٹ بینک آف پاکستان کی طرف سے جاری کردہ اعداد و شمار کے مطابق 30 جون 2023 کومرکزی بینک کے پاس زرمبادلہ کے ذخائر کاحجم 4.443 ارب ڈالرجبکہ بینکوں کے پاس زرمبادلہ کے ذخائر کا حجم 4.715 ارب ڈالر تھا۔
اعلامیے کے مطابق 25 اپریل 2024 کو ملکی زرمبادلہ کے ذخائر 13.316 ارب ڈالر ریکارڈ کیے گئے، جن میں سے سٹیٹ بینک کے پاس 8.006 ارب ڈالر اور کمرشل بینکوں کے پاس 5.310 ارب ڈالر تھے۔
مالی سال کے آغاز سے اب تک سٹیٹ بینک کے زرمبادلہ کے ذخائر میں 3.561 ارب ڈالر اورکمرشل بینکوں کے زرمبادلہ کے ذخائر میں 595 ملین ڈالر کا اضافہ ہوا
واضح رہے کہ اس میں عالمی مالیاتی فنڈ ( آئی ایم ایف) کی جانب سے سٹینڈبائی معاہدے کے تحت جاری کردہ 1.1 ارب ڈالر کی قسط شامل نہیں ہے۔
