شہباز شریف وزیراعظم بننے کے بعد اپنے پہلے دورے پر کراچی پہنچ گئے۔
گورنر سندھ کامران ٹیسوری اور وزیراعلیٰ مراد علی شاہ نے وزیراعظم شہباز شریف کا استقبال کیا۔
واضح رہے کہ 4 مارچ کو وزارت عظمیٰ کا منصب سنبھالنے کے بعد شہباز شریف کا کراچی کا یہ پہلا دورہ ہے۔ وہ اپنے دورے کے دوران مزار قائد پر حاضری دیں گے، اس موقع پر وزیراعظم شہباز شریف کاروباری برادری اور کراچی چیمبر آف کامرس کے وفد سے بھی ملاقات کریں گے۔
حکومتی ذرائع کے مطابق وزیراعظم کراچی میں کاروباری برادری سے ملکی معیشت کی بہتری کیلئے مشاورت کریں گے اور ان کی تجاویزحاصل کریں گے۔
وزیراعظم کی گورنر اور وزیراعلیٰ سندھ سے ملاقات بھی ہو گی ، اس موقع پر وہ سندھ کی سیاسی صورتحال اور انتظامی معاملات پر تبادلہ خیال کرینگے۔
