اسلام آباد( نئی تازہ مانیٹرنگ) وفاقی حکومت نے ملک بھر میں ہونے والے ضمنی انتخابات میں سول آرمڈ فورسز اور پاکستان آرمی کے دستے تعینات کرنے کی منظوری دے دی ہے۔
میڈیا رپورٹ کے مطابق حکومت نے ضمنی انتخابات کے موقع پر سیکیورٹی کے سخت انتظامات کا فیصلہ کیا گیا ہے، الیکشن کے موقع پر سول آرمڈ فورسز اور پاکستان آرمی کے دستے دوسرے اور تیسرے ٹیئر کے طور پر استعمال ہونگے۔
وفاقی حکومت کی منظوری کے بعد وزارت داخلہ نے سول آرمڈ فورسز اور پاکستان آرمی کی تعیناتی بارے احکامات جاری کر دیے ہیں۔ اس حوالے سے جاری کیے گئے نوٹی فکیشن میں کہا گیا ہے کہ سول آرمڈ فورسز اور پاکستان آرمی کے دستے آج 20 اپریل سے 22 تک 21 حلقوں میں دستیاب ہوں گے۔
الیکشن کمیشن آف پاکستان نے ضمنی انتخابات میں وفاقی حکومت سے سکیورٹی فراہم کرنے کی در خواست کی تھی، ای سی پی کے شیڈول کے مطابق قومی اور صوبائی اسملی کے 21 حلقوں میں ضمنی الیکشن 21 اپریل کو ہوں گے۔
