اسلام آباد ( نئی تازہ رپورٹ) پاکستان پیپلز پارٹی کے سید یوسف رضا گیلانی سینیٹ کے بلامقابلہ چیئرمین منتخب ہوگئے، انکے مقابلے میں کسی اور نے کاغذات نامزدگی جمع نہیں کرائے۔ مسلم لیگ ن کے سردار سیدال خان بھی بلا مقابلہ ڈپٹی چیئرمین سینیٹ منتخب ہوگئے
منگل کوپریزائیڈنگ افسر اسحاق ڈار نے سید یوسف رضا گیلانی اورسردار سیدال خان کی بلا مقابلہ کامیابی کا اعلان کیا پی ٹی آئی کے سینیٹرز نے چیئرمین سینیٹ کے ڈائس کا گھیراؤ کیا۔
یوسف رضا گیلانی نے چیئرمین سینیٹ کے عہدے کا حلف اٹھا لیا ، انہوں نے نشست سنبھا لنے کے بعد سیدال خان ناصر سے ڈپٹی چیئرمین سینیٹ کا حلف لیا۔
چیئرمین سینیٹ یوسف رضا گیلانی نے تمام سینیٹرز کو عید کی مبارک باد پیش کرتے ہوئے کہا کہ پارٹی لیڈر شپ اور اتحادی جماعتوں کا شکریہ ادا کیا،انہوں نے کہا کہ میں تمام ارکان کی امیدوں پر پورا اترنے کی کوشش کی کروں گا، سینیٹ فیڈریشن کی علامت ہے۔
قبل ازیں نومنتخب ارکان سینیٹ کی حلف برداری کے لیے اجلاس میں پریزائیڈنگ افسر اسحاق ڈار نے نئے منتخب ہونے والے ارکان سے حلف لیا۔
