پنجاب حکومت نے گندم خریداری مہم کے لئے نئے سیزن میں 552 ارب روپے قرض لینے کا فیصلہ کیا ہے۔
محکمہ خزانہ پنجاب کے نوٹیفکیشن کے مطابق قرض کے لیے صوبائی حکومت نے کمرشل بینکوں سے پیشکشیں طلب کی ہیں ، قرض تین ماہ کے لئے حاصل کیا جائے گا اور بینک 16 اپریل تک اپنی پیشکشیں جمع کرائیں گے۔
ذرائع محکمہ خزانہ کے مطابق بینکوں سے قرض وفاقی حکومت کی منظوری سے مشروط ہوگا۔ جس پر شرح سود 22 فیصد سے زائد ہوگی
میڈیا رپورٹ کے مطابق پنجاب حکومت نئے قرض کی رقم میں سے ساڑھے تین سو ارب کا پرانا قرض بھی پنجاب بینک کو واپس کرے گی۔
نئے سیزن میں گندم خریداری کے لئے دو سو ارب روپے مختص کیے جانے کا امکان ہے جبکہ مالی وسائل کے لحاظ سے 15 لاکھ ٹن گندم کی خریداری ہوسکے گی۔ تاہم پنجاب کابینہ اگلے چند روز میں خریداری کے حتمی حجم سے متعلق فیصلہ کرے گی۔
