اسلام آباد ( نئی تازہ رپورٹ) حکومت نے آئندہ 15 روز کے لیے پیٹرول کی قیمت برقرار رکھنے کا اعلان کیا ہے جبکہ ڈیزل اور مٹی کے تیل کی قیمت میں کمی کر دی گئی ہے۔اطلاق 16 مارچ 2024 سے ہوگا۔
وزارت خزانہ سے جاری بیان کے مطابق حکومت نے وزیراعظم شہباز شریف کی منظوری کے بعد پیٹرول کی قیمت برقرار رکھنے کا فیصلہ کیا ہے ۔
وزارت خزانہ کے مطابق آئندہ 15 روز کے لیے پیٹرول کی قیمت برقرار رہے گی اور پیٹرول 279روپے75پیسے فی لیٹر دستیاب ہو گا۔
ہائی اسپیڈ ڈیزل کی قیمت میں ایک روپے 77 پیسے فی لیٹرکمی کی گئی ہے ، اس طرح ڈیزل کی نئی قیمت 285 روپے 56 پیسے ہو گئی ہے۔
وزارت خزانہ کے مطابق نئی قیمتوں کا اطلاق 16مارچ سے 31مارچ 2024 تک ہوگا۔
