پشاور ( نئی تازہ رپورٹ) پاکستان میں رمضان المبارک 1445 ہجری کا چاند نظر آگیا، پہلا روزہ کل منگل 12 مارچ 2024 کو ہوگا۔
رویت ہلال کمیٹی کا اجلاس چیئرمین مولانا عبدالخبیر کی زیر صدارت پشاور میں ہوا، جبکہ زونل کمیٹیوں کے اجلاس اپنے اپنے صدر مقام پر ہوئے۔
لاہور میں زونل کمیٹی کو چاند نظر آنے کی شہادت موصول ہوئی،اجلاس میں شریک اراکین نے خود بھی اس کا مشاہدہ کیا۔
اسلام آباد،راولپنڈی، پشاور، کوئٹہ، کراچی سمیت متعدد شہروں میں چاند واضح طور پر دیکھا گیا۔
رمضان المبارک کا چاند نظر آنے کا اعلان چیئرمین رویت ہلال کمیٹی مولانا عبدالخبیر نے کیا۔ رویت ہلال کمیٹی کی معاونت کے لیے محکمہ موسمیات، سپارکو سمیت دیگر متعلقہ اداروں کے حکام بھی موجود تھے۔
