اسلام آباد ( نئی تازہ رپورٹ) مسلم لیگ ن کی پارلیمانی پارٹی کا اجلاس بدھ 28 فروری کو طلب کر لیا گیا۔ نواز شریف اسی روزنو منتخب ارکان کے اعزاز میں عشائیہ بھی دیں گے۔
مسلم لیگ ن کی پارلیمانی پارٹی کا اجلاس پارلیمنٹ ہاؤس میں سہ پہر 3 بجے ہوگا،بتایا گیا ہے کہ اجلاس کی صدارت پارٹی قائد نواز شریف کریں گے، نومنتخب ارکان قومی اسمبلی کو اجلاس میں شرکت کی ہدایت کی گئی ہے۔
ذرائع کے مطابق پارلیمانی پارٹی کے اجلاس میں شہباز شریف کو وزیراعظم نامزد کرنے کے فیصلے کی توثیق کی جائے گی۔
میڈیا رپورٹ کے مطابق 28 فروری کو ہی مسلم لیگ ن اور اتحادی جماعتوں کا اجلاس بھی طلب کیا گیا ہے، پارٹی قائد نواز شریف پنجاب ہاؤس میں نو منتخب ارکان کے اعزاز میں عشائیہ دیں گے۔اجلاس میں 29 فروری کو ہونے والے قومی اسمبلی کے اجلاس سے متعلق حکمت عملی طے کی جائے گی۔
