اسلام آباد ( نئی تازہ رپورٹ) الیکشن کمیشن آف پاکستان کی جاری کردہ پارٹی پوزیشن کے مطابق مسلم لیگ (ن) قومی اسمبلی میں سب سے بڑی جماعت بن گئی ہے۔
الیکشن کمیشن آف پاکستان کی جانب سے جاری پارٹی پوزیشن
الیکشن کمیشن آف پاکستان کی جانب سے الیکشن 2024 کے بعد جاری اعداد و شمار کے مطابق مسلم لیگ (ن) نے قومی اسمبلی میں 84 جنرل کے علاوہ 23 مخصوص نشستیں حاصل کی ہیں، جن میں 19 خواتین اور 4 اقلیتی نشستیں شامل ہیں، اس طرح مسلم لیگ (ن) قومی اسمبلی میں مجموعی طور پر 107 نشستوں کے ساتھ پہلے نمبر پر ہے
یہ بھی پڑھیں: پنجاب میں رمضان 2024 کے دوران سکولوں کی نئی ٹائمنگ کیا ہو گی
سنی اتحاد کونسل کی قومی اسبلی میں نشستیں
پی ٹی آئی کے حمایت یافتہ آزاد امیدواروں کی شمولیت کے بعد سنی اتحاد کونسل قومی اسبلی میں 81 نشستوں کیساتھ دوسری بڑی جماعت بن گئی، سنی اتحاد کونسل کی مخصوص نشستوں بارے معاملہ الیکشن کمیشن میں زیر التوا ہے، پاکستان پیپلز پارٹی قومی اسمبلی کی مجموعی طور پر 68 نشستیں حاصل کر کے تیسری بڑی پارلیمانی جماعت ہے، اسے 54 جنرل، 12 خواتین اور 2 اقلیتی نشستیں ملی ہیں۔
الیکشن کمیشن کی جاری تفصیلات کے مطابق قومی اسمبلی میں چوتھی بڑی پارلیمانی جماعت متحدہ قومی موومنٹ (ایم کیو ایم) پاکستان ہے جسے 22 نشستیں ملی ہیں، ایم کیو ایم پاکستان نے 17 جنرل، 4 خواتین اور ایک اقلیتی نشست حاصل کی ہے، جے یو آئی ف 7 نشستوں کے ساتھ پانچویں نمبر پر ہے اسے 6 جنرل اور ایک خاتون کی نشست حاصل ہوئی ہے۔
یہ بھی پڑھیں: پنجاب بھر کے تعلیمی بورڈز کے تحت میٹرک اور ایف اے کے امتحانات انگلش میں لینے کا فیصلہ
مسلم لیگ (ق) 4 جنرل، ایک خاتون کی نشست حاصل کر کے قومی اسمبلی میں چھٹے، جبکہ استحکام پاکستان پارٹی 3 جنرل اور ایک خاتون نشست کے ساتھ ساتویں نمبر پر ہے، ای سی پی کی جاری تفسیلات کے مطابق عوامی نیشنل پارٹی قومی اسمبلی کی کوئی نشست حاصل نہ کر سکی۔
یہ بھی پڑھیں:ملتان اور راولپنڈی کے کمشنرز کی تقرری اور تبادلوں کا اعلان
الیکشن کمیشن آف پاکستان نے قومی اسمبلی کی 10 اقلیتی نشستوں میں سے 7 کا نوٹیفکیشن جاری کر دیا ہے جن میں سے مسلم لیگ (ن) کو 4، پیپلز پارٹی 2، ایم کیو ایم پاکستان کو ایک نشست ملی، 3 اقلیتی نشستوں کا نوٹیفکیشن ابھی جاری نہیں ہو سکا، سنی اتحاد کونسل کو اقلیتی نشستیں دینے کا معاملہ الیکشن کمیشن میں زیر التوا ہے۔
