گوجرانوالہ (نئی تازہ رپورٹ) شدید دھند کی وجہ سے مسافر بس الٹنے کے نتیجے میں 2 مسافر جاں بحق اور25 زخمی ہو گئے۔
تفصیلات کے مطابق 50 افراد سے بھری بس کوہاٹ سے لاہور جا رہی تھی کہ گوجرانوالہ میں شدید دھند کے باعث موڑ کاٹتے ہوئے بے قابو ہو کر الٹ گئی، حادثے میں 2 مسافر موقع پر دم توڑ گئے جبکہ 25 زخمی ہیں جن میں سے آٹھ افراد شدید زخمی بتائے گئے ہیں۔
حادثے کے بعد ریسکیو ٹیم نے موقع پر پہنچ کرلاشوں اور زخمیوں کو قریبی ہسپتال منتقل کیا ، بعض زخمیوں کی حالت تشویشناک بتائی گئی ہے، پولیس نے جاں بحق اور زخمی ہونے والوں کی فہرست تیار کر کے قانونی کارروائی شروع کر دی ہے۔
