اسلام آباد ( نئی تازہ رپورٹ) الیکش کمیشن آف پاکستان نے پاکستان تحریک انصاف سے بلے کا انتخابی نشان واپس لے لیا ہے۔
الیکشن کمیشن نے جمعہ کو پی ٹی آئی انٹرا پارٹی الیکشن سے متعلق فیصلہ سنادیا ، فیصلے میں کہا گیا ہے کہ پاکستان تحریک انصاف نے اپنے انتخابات پارٹی آئین کے مطابق نہیں کروائے۔
چیف الیکشن کمشنر کی سربراہی میں 5 رکنی کمیشن نے فیصلہ سنا تے ہوئے پی ٹی آئی کا پارٹی الیکشن کالعدم قرار دے دیا ہے۔
الیکشن کمیشن نے 19 دسمبر کو پی ٹی آئی کے انٹرا پارٹی انتخابات سے متعلق فیصلہ محفوظ کیا تھا، جو آج سنا دیا گیا۔
