اسلام آباد ( نئی تازہ رپورٹ) سرکاری حج اسکیم 2024 کے تحت درخواستوں کی وصولی آج سے شروع ہوگئی۔
ملک بھر میں 15 نامزد بینکوں میں حج درخواستوں کی وصولی12 دسمبر تک جاری رہے گی ۔ وزارت مذہبی امور کے بیان کے مطابق آئندہ برس تقریباً 89 ہزار 605 پاکستانی سرکاری اسکیم کے تحت فریضہ حج ادا کریں گے۔
بیان میں کہا گیا کہ مقررہ تعداد سے زائد درخواستیں موصول ہونے کی صورت میں قرعہ اندازی ہو گی،خواتین کوپہلی بار محرم کے بغیر حج ادا کر نے کی اجازت دی گئی ہے۔
16 دسمبر 2024 تک کارآمد پاکستانی پاسپورٹ پر درخواستیں جمع کروائی جا سکیں گی۔
عازمین پاسپورٹ اپلائی کرنے کے ٹوکن پر بھی حج درخواست جمع کرا سکتے ہیں۔ سپانسرشپ سکیم کے تحت 25 ہزار نشستیں پہلےآنے والی درخواستوں کے لیے ہوں گی، جبکہ ریگولر حج سکیم کے تحت موصول ہونے والی درخواستوں پر قرعہ اندازی کی جائے گی۔
