لاہور ( نئی تازہ رپورٹ) لاہور ہائیکورٹ نے اسموگ کے باعث تمام تعلیمی ادارے ہفتے کے روزجنوری کے آخر تک بند رکھنے کے احکامات جاری کر دیئے۔
عدالت نے تحریری حکم میں اسکول ،کالجز اور یونیورسٹیز بند کرنے کا نوٹیفکیشن جاری کرنے کی ہدایت کی ہے۔
ہائی کورٹ کے جسٹس شاہد کریم کی طرف سے اسموگ کے تدارک کے لیے دائر درخواستوں پر تحریری حکم جاری کیا گیا ہے جس میں کہا گیا ہےکہ صوبائی حکومت ہفتےمیں دو روز ورک فرام ہوم کرنے کے حوالے سے اقدامات کررہی ہے۔ نوٹیفکیشن میں جم بند کرنے احکامات معطل کیے جاتے ہیں۔
عدالت نے محکمہ موسمیات کو ھدایت کی کہ اسموگ کے خلاف کارروائیاں نہ کرنے والے افسران کے خلاف محکمانہ کارروائی کی جائے۔
