پشاور( نئی تازہ رپورٹ) حکومت نے خیبر پختونخوا میں غیر قانونی طور پر مقیم 18 ہزار غیر ملکیوں کی فہرست تیار کر کے پولیس کے حوالے کر دی۔
میدیا رپورٹ کے مطابق محکمہ داخلہ خیبر پختونخوا نے 18 ہزار غیر ملکیوں کی فہرست تیار کر کے صوبائی پولیس کو ارسال کر دی ہے، فہرست میں 6 ہزار سے زیادہ بچے اور 5 ہزار سے زیادہ خواتین بھی شامل ہیں۔
رپورٹ کے مطابق غیر قانونی طور پر مقیم افغان باشندوں کی اپنے وطن واپسی کا سلسلہ جاری ہے، گذشتہ روز(18 نومبر کو) بھی غیر قانونی مقیم 2 ہزار 959 افغان باشندے اپنے ملک واپس گئے۔
17 ستمبر سے اب تک طورخم بارڈرکے راستے 2 لاکھ 21 ہزار 440 غیر ملکی اپنے وطن جا چکے ہیں۔
پولیس کے مطابق متعلقہ غیر قانونی مقیم غیر ملکیوں کو کئی بار رضاکارانہ طور پر اپنے ملک جانے کا نوٹس دیا لیکن یہ لوگ نہیں گئے، فہرست میں شامل افراد کو رواں ماہ کے آ خر تک ان کے ملک بھیجا جائے گا۔
