پشاور ( نئی تازہ مانیترنگ) خیبر پختونخوا کے ضلع ڈیرہ اسماعیل خان کے بس اڈے پر بم دھماکے میں پانچ افراد جاں بحق ہوگئے۔
میڈیا رپورٹس کے مطابق ریسکیو اور پولیس حکام نے بم دھماکے میں ہلاکتوں کی تصدیق کی ہے۔
پولیس کے مطابق بم دھماکا ڈیرہ اسماعیل خان میں ٹانک اڈے پر گشت پر مامور پولیس وین کے قریب ہوا، ریسکیو اہلکار اعزاز محمود نے پانچ افراد کے جاں بحق ہونے کی تصدیق کی ہے جبکہ 20 سے زائد افراد زخمی ہوئے۔ دھماکے سے موقع پر کھڑی متعدد موٹرسائیکلوں کو بھی نقصان پہنچا۔
ڈسٹرکٹ ایمرجنسی افسر ریسکیو 1122 اویس بابر نے میڈیا کو بتایا کہ ریسکیو 1122 کی میڈیکل ٹیموں نے موقع پر پہنچ کر زخمیوں کو ہسپتال منتقل کیا۔
زخمیوں میں ایک ٹریفک پولیس اہلکار اورایک خاتون بھی شامل ہیں۔
