اسلام آباد ( نئ تازہ رپورٹ) الیکشن کمیشن آف پاکستان نے سپریم کورٹ کو آگاہ کیا ہے کہ ملک میں عام انتخابات 11 فروری 2024 کوہوں گے ۔
90 روز میں انتخابات کیس کی سماعت کے دوران چیف جسٹس نے الیکشن کمیشن کے وکیل سے استفسار کیا کہ الیکشن کمیشن نے کیا انتخابات کی تاریخ دی، جس پر وکیل الیکشن کمیشن سجیل سواتی نے بتایا کہ ملک میں عام انتخابات 11 فروری کو ہوں گے۔
وکیل ای سی پی سجیل سواتی نےبتایا کہ 30 نومبر تک حلقہ بندیاں مکمل ہو جائیں گی اور انتخابات 11 فروری کو کرائے جائیں گے۔
چیف جسٹس نے پوچھا کہ کیا انتخابات کی تاریخ سے متعلق صدر پاکستان آن بورڈ ہیں؟ کیا الیکشن کی تاریخ بارے صدر سے مشورہ کیا گیا؟
چیف جسٹس نے ہدایت کی کہ الیکشن کمیشن آج صدر سے مشاورت کرے۔
الیکشن کمیشن نے انتخابات کے شیڈول سے متعلق سپریم کورٹ کو آگاہ کیا۔
وکیل الیکشن کمیشن نے بتایا کہ انتخابات میں عوام کی آسانی کے لیے اتوارکا دن ڈھونڈ رہے تھے، 4 فروی کو پہلا اتوار جبکہ دوسرا اتوار 11 فروری کو بنتا ہے، ہم نے اپنے طور پر فیصلہ کیا کہ 11 فروری والے کو الیکشن کروائے جائیں۔
چیف جسٹس نے ریمارکس دیے کہ جو بھی تاریخ آئے گی اس پر الیکشن کمیشن کو پابند کریں گے کہ مزید آگے پیچھے نہ ہو، ہم الیکشن کمیشن کا کام خود نہیں کریں گے لیکن انہیں پابند کریں گے۔
