اسلام آباد( نئی تازہ رپورٹ) سپریم کورٹ میں نیب ترامیم بارے فیصلے کیخلاف وفاقی حکومت کی طرف سے دائر انٹرا کورٹ اپیل سماعت کیلئے مقرر کر دی گئی۔
چیف جسٹس قاضی فائزعیسیٰ کی سربراہی میں 5 رکنی لارجر بینچ تشکیل دے دیا گیا جو انٹرا کورٹ اپیل پرمنگل کو سماعت کرے گا۔
چیف جسٹس کے ہمراہ جسٹس امین الدین، جسٹس جمال خان مندو خیل، جسٹس اطہر من اللہ اور جسٹس حسن اظہر رضوی لارجر بینچ میں شامل ہوں گے۔
سپریم کورٹ نے وفاقی حکومت کی اپیل پرمتعلقہ وکلا کو نوٹس جاری کر دیے۔
سابق چیف جسٹس پاکستان عمر عطا بندیال کی سربراہی میں تین رکنی بینچ نے پارلیمنٹ کی جانب سے منظور کردہ نیب ترامیم کو کالعدم قرار دیا تھا ،فیصلے کے بعد ایک سابق صدر اور 6 سابق وزرائے اعظم سمیت متعدد سیاستدانوں کے مقدمات دوبارہ احتساب عدالتوں کو بھیج دیے گئے تھے۔
