کولمبو( نئی تازہ رپورٹ) ایشیاکپ سپر فورمرحلے کی میچ میں بنگلا دیش نے بھارت کو 6 رنز سے ہرا دیا۔ تاہم بھارت پہلے ہی ٹورنامنٹ کے فائنل میں پہنچ چکا ہے۔
کولمبو میں کھیلے گئے سپر فور مرحلے کے آخری میچ میں بھارت نے ٹاس جیت کر بنگلہ دیش کو بیٹنگ کی دعوت دی، بنگلادیش نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 265 رنز بنائے۔
266 رنز کے ہدف کے تعاقب میں بھارت کی ٹیم 259 رنز بنا کر آؤٹ ہوگئی۔
بھارت کی جانب سے شبھمن گل 121 رنز بنا کر نمایاں رہے۔ اکشر پٹیل 42، سوریا کمار یادو 26 اور کے ایل راہول 19 رنز بنا کر آؤٹ ہوئے۔
بنگلا دیش کی جانب سے مستفیض الرحمان نے 3، تنظیم حسن اور مہدی حسن نے 2، 2 جبکہ شکیب الحسن اور مہدی حسن میراز نے 1، 1 وکٹ حاصل کی۔
بنگلا دیش کی جانب سے کپتان شکیب الحسن 80 جبکہ توحید ہردوئے 54 رنز بنا کر آؤٹ ہوئے۔ نسم احمد 44 رنز بنا کر پویلین لوٹے۔
مہدی حسن اور تنظیم حسن شکیب بالترتیب 29 اور 14 رنز بنا کر ناٹ آؤٹ رہے۔
بھارت کے شاردل ٹھاکر نے 3 کھلاڑی آئوٹ کیے، جبکہ محمد شامی نے 2 جبکہ پراسد کرشنا، اکشر پٹیل اور روندر جڈیجا نے 1، 1 وکٹ حاصل کی۔
واضح رہے کی بھارت اور سری لنکا کی ٹیمیں پہلے ہی فائنل میں پہنچ چکی ہیں۔
