اسلام آباد ( نئی تازہ رپورٹ) چیف جسٹس اسلام آباد ہائی کورٹ نے چیئرمین پی ٹی آئی عمران خان کوسزا سنانے والے ایڈیشنل سیشن جج ہمایوں دلاور کواو ایس ڈی بنا دیا۔ اسلام آباد ہائی کورٹ نے نوٹیفکیشن جاری کردیا گیا۔
چیف جسٹس اسلام آباد ہائیکورٹ عامر فاروق نے ہمایوں دلاور کو آفیسر آن اسپیشل ڈیوٹی (او ایس ڈی) بنانے کی منظوری دی ، جس کے بعدایڈیشنل رجسٹرارکی طرف سے نوٹیفکیشن جاری کیا۔
نوٹیفکیشن میں ایڈیشنل سیشن جج ہمایوں دلاور کوفوری طور پراو ایس ڈی کی گریڈ 20 کی نئی پیدا کی گئی آسامی کے لیےرپورٹ کرنے کی ہدایت کی گئی ہے۔
یاد رہے کہ ایڈیشنل سیشن جج ہمایوں دلاور نے 5 اگست کو توشہ خانہ کیس میں چیئرمین پی ٹی آئی کو سزا سنائی تھی۔
توشہ خانہ کیس میں عمران خان کو تین سال قید کی سزا سنائی گئی تھی جس کے بعد سے وہ اٹک جیل میں قید ہیں۔
