لاہور ( نئی تازہ مانیٹرنگ) نارووال سے تعلق رکھنے والے سابق رکن اسمبلی اور ایک ٹکٹ ہولڈر نے استحکام پاکستان پارٹی میں شمولیت کا اعلان کر دیا۔
میڈیا رپورٹ کے مطابق نارووال سے میاں عثمان اور سابق پی ٹی آئی ٹکٹ ہولڈر چوہدری سجاد مہیس نے لاہور میں جہانگیرترین سے ملاقات کی اور استحکام پاکستان پارٹی میں شامل ہونے کا اعلان کیا۔
استحکام پاکستان پارٹی کے سرپرست اعلیٰ جہانگیرترین نے کہا کہ نارووال سے بڑے سیاسی گروپ کو خوش آمدید کہتے ہیں، انہوں نے کہا کہ ہم عام آدمی کی خوشحالی کے لیے بہترین پالیسیاں تشکیل دیں گے، آئی پی پی کا منشور اسی مقصد کے لیے تیار کیا ہے۔
یاد رہے کہ اس قبل پنجاب کے متعدد سیاسی رہنما استحکام پاکستان پارٹی میں شامل ہو چکے ہیں۔
