لاہور ( نئی تازہ رپورٹ) پی ٹی آئی نے پرویز خٹک کی پارٹی میں شمولیت اختیار کرنے والے ارکان کی بنیادی رکنیت ختم کر دی۔ سابق وزیر اعلیٰ محمود خان بھی پی ٹی آئی کے ممبر نہیں رہے۔
سیکرٹری جنرل پاکستان تحریک انصاف عمر ایوب نے ارکان کو نوٹس جاری کر دیئے۔
پاکستان تحریک انصاف کی طرف سے جن ارکان کی رکنیت ختم کی گئی ان میں سابق وزیر اعلیٰ محمود خان، ضیاء اللہ بنگش،اقبال وزیر، احمد حسین شاہ، اشتیاق آرمڑ سمیت دیگر ارکان شامل ہیں،
نوٹس کے مطابق پی ٹی آئی نے 22 افراد کی پارٹی رکنیت ختم کر دی ہے
واضح رہے کہ سابق وزیرِ دفاع پرویز خٹک نے رواں ماہ پاکستان تحریک انصاف پارلیمنٹیرینز کے نام سے نئی جماعت بنانے کا اعلان کیا تھا۔
