لاہور( نئی تازہ رپورٹ) بھاٹی گیٹ لاہورکے ایک گھر میں شارٹ سرکٹ کی وجہ سے آگ لگنے کے نتیجہ میں 10 افراد جھلس کر جاں بحق ہو گئے۔
نجی ٹی وی کے مطابق لاہور میں بھاٹی گیٹ کے علاقے محلہ سمیاں کے ایک گھرمیں فریج کے سٹیبلائزر میں آگ لگ گئی جس نے سارے گھر کو اپنی لپیٹ میں لے لیا،
واقعے کی اطلاع ملنے پر ریسکیو ٹیموں نے موقع پر پہنچ کر آگ بجھائی لیکن اس دوران دس افراد جاں بحق ہو چکے تھے جن کی لاشوں کو ہسپتال منتقل کر دیا گیا۔
اطلاعات کے مطابق تمام جاں بحق افراد ایک ہی خاندان سے تعلق رکھتے تھے،جن میں می 6 بچے، 3 خواتین اور 1 مرد شامل ہیں۔
ریسکیو ذرائع نے آگ لگنے کی وجہ ابتدائی طور پرشارٹ سرکٹ بتائی ہے۔ تاہم پولیس واقعے کی مزید تحقیقات کر رہی ہے ۔
