لاہور( نئی تازہ مانیٹرگ)مسلم لیگ (ق) کے سربراہ چوہدری شجاعت حسین نے سابق وزیراعلیٰ پنجاب اور پاکستان تحریک انصاف کے صدر پرویز الہٰی سے جیل میں اہم ملاقات کی ۔
نجی ٹی وی نے ذرائع کے حوالے سے بتایا کہ چوہدری شجاعت اور پرویز الہٰی کی کیمپ جیل میں ہونے والی ملاقات میں چوہدری شجاعت کے بیٹے بھی موجود تھے۔
سابق وزیراعلیٰ پنجاب اور پاکستان تحریک انصاف کے صدر پرویز الہٰی سے ملاقات میں ان کا حال احوال دریافت کیا گیا۔
ذرائع کے مطابق ملاقات کے دوران پرویز الہٰی کی صحت اورسیاسی حالات کے بارے میں گفتگو کی گئی ۔
یاد رہے کہ چوہدری پرویز الہیٰ پنجاب اسمبلی میں غیرقانونی بھرتیوں کے کیس میں وہ گرفتار ہیں۔ذرائع نے پرویز الہیٰ سے متعلق دعویٰ کیا کہ وہ جلد واپس مسلم لیگ (ق) میں چلے جائیں گے۔
