کراچی ( نئی تازہ رپورٹ) کراچی سے راولپنڈی جانے والی گرین لائن ایکسپریس کا انجن پٹری سے اتر گیا تاہم گاڑی بڑے حادثے سے بچ گئی۔
ریلوےذرائع کے مطابق گھوٹکی ریلوےاسٹیشن پرراولپنڈی جانے والی گرین لائن ایکسپریس کا انجن پٹری سے اترگیا، انجن لوپ لائن پر کھڑی فرید ایکسپریس کے بالکل قریب پہنچ کر رک گیا۔
ریلوے حکام کے مطابق گرین لائن ایکسپریس اور فرید ایکسپریس حادثےسے محفوظ رہیں، گرین لائن ایکسپریس ٹرین کاانجن پٹری سے اترنےکے باعث اپ ٹریک پر ٹرینوں کی آمدورفت معطل ہوگئی، اس دوران کراچی سے راولپنڈی جانے والی خیبر میل کو پنو عاقل ریلوے اسٹیشن پر روک لیا گیا ۔
ریلوے حکام نے بتایا کہ سکھر سے ریلیف ٹرین پہنچ رہی ہے، ٹریک جلد بحال ہو جائےگا۔
ریلوے ذرائع کے مطابق گرین لائن کا انجن فی الحال سفرکے قابل نہیں رہا، جس کا متبادل منگوایا گیا ہے۔
