لاہور( نئی تازہ رپورٹ) محکمہ ایکسائز نے نیب کو 190 ملین پاؤنڈ کرپشن کیس میں پاکستان تحریک انصاف رہنماؤں کے نام پررجسٹرڈ گاڑیوں کی تفصیلات بھجوا دیں۔ 22 گاڑیاں فرحت شہزادی کے نام پر رجسٹرڈ ہیں۔
ذرائع کے مطابق محکمہ ایکسائز پنجاب نے نیب کے خط پر کے پی ٹی آئی رہنماؤں کے نام رجسٹرڈ گاڑیوں کی تفصیل نیب کو بھجوا ئی ہے۔
ذرائع کے مطابق نیب کو بھجوائی گئی تفصیلات میں یہ بات سامنے آئی کہ فرحت شہزادی کے نام پر سب سے زیادہ 22 گاڑیاں رجسٹرڈ ہیں۔ جو میڈیا میں فرح گوگی کے نام سے جانی جاتی ہیں۔
محکمہ ایکسائزکی فراہم کردہ تفصیلات کے مطابق شفقت محمود کے نام پر 4،عمر ایوب کے نام پر ایک گاڑی رجسٹرڈ ہے۔
اسی طرح فواد چوہدری کے نام پر ایک جبکہ شہزاد اکبر کے نام پر 2 گاڑیاں رجسٹرڈ ہیں۔
ذرائع کے مطابق نیب کو بھججوائی گئی تفصیلات محکمہ ایکسائز کے تمام دفاتر سے حاصل کی گئی ہیں۔
