اسلام آباد ( نئی تازہ رپورٹ) تحریک انصاف کے سابق جنرل سیکرٹری اسد عمر نے کہا ہے کہ فواد چوہدری مجھ سےرابطے میں رہتے ہیں،جہانگیر ترین نے کوئی رابطہ نہیں کیا۔
ضلع کچہری اسلام آباد میں صحافیوں سے غیر رسمی گفتگو کے دوران اسد عمر سے سوال کیا گیا کہ کیا آپ جہانگیر ترین کی پارٹی میں ہوں گے؟جس پر اسد عمر نے جواب دیا کہ میرا کیا تعلق ہےجہانگیر ترین سے؟
اس سوال پر کہ کیا جہانگیر ترین نے آپ سے کوئی رابطہ کیا؟ اسد عمر نے کہا کہ نہیں، ابھی جہانگیرترین نے کوئی رابطہ نہیں کیا۔
اسد عمر نے کہا کہ جیل سے آئے سات آٹھ دن ہوئے ہیں، عدالتوں کے چکر لگا رہا ہوں، انہوں نے بتایا کہ فواد چوہدری مجھ سے وقتاً فوقتاً رابطے میں رہتے ہیں۔
