اسلام آباد ( نئی تازہ رپورٹ) وفاقی حکومت نے بجٹ میں اقتصادی اہداف اور ترقیاتی منصوبے کی منظوری دینے کیلئے قومی اقتصادی کونسل کا اجلاس منگل 6 جون کو طلب کرلیا ۔
سرکاری ذرائع کے مطابق بجٹ کی تیاری کیلئے وزیراعظم شہباز شریف کی زیرصدارت 6 جون کوطلب کئے گئے قومی اقتصادی کونسل(این ای سی) کے اجلاس میں آئندہ مالی سال کیلئے ترقیاتی پلان اور معاشی اہداف کی منظوری دی جائے گی۔
کونسل کے اجلاس میں وفاقی وزراء اور چاروں صوبوں کے وزرائے اعلیٰ شریک ہوں گے۔
ذرائع کے مطابق نئے مالی سال کیلئے ترقیاتی بجٹ 2659 ارب روپے تجویز کیا گیا ہے، وفاقی ترقیاتی پروگرام کے لئے 1100 ارب ، جبکہ صوبائی ترقیاتی بجٹ کیلئے 1559 ارب روپے مختص کئے جانے کا امکان ہے۔
