لاہعر( نئی تازہ رپورٹ) سابق وزیر اعظم آزاد کشمیر سردار تنویر الیاس نے کہا ہے کہ جہانگیر ترین کے ساتھ مل کر چلیں گے۔
لاہور میں سابق پی ٹی آئی رہنما جہانگیر ترین سے ملاقات کے بعد میڈیا سے گفتگو کرتے ہوئے سردار تنویر الیاس نے کہا کہ ہمارے اور جہانگیر ترین کے درمیان یہ طے ہوا ہے کہ ہم مل کر چلیں گے ۔ انہوں نے واضح کیا کی کوئی الگ گروپ نہیں بن رہا، سارے لوگ ایک ہی جگہ اکھٹے ہوں گے۔
تنویر الیاس نے کہا کہ ملک کی معاشی صورتِ حال تشویشناک ہے، ملکی مفاد میں جو چیزیں ہوں گی انہیں آگے لے کر چلیں گے، آنے والے دنوں میں اچھی خبریں سننے کو ملیں گی۔
اس سے قبل جہانگیر ترین ہم خیال گروپ کے سیاسی رہنماؤں کا اجلاس ہوا۔
اجلاس میں جہانگیر ترین، عون چوہدری، سردار تنویر الیاس سمیت دیگررہنمائوں نے شرکت کی۔جبکہ ذرائع کے مطابق ملک نعمان لنگڑیال، ملک غلام رسول سنگھا، مہر نواز بھروانہ، لالہ طاہر رندھاوا، سابق صوبائی وزیر اجمل چیمہ اور فیصل جبوانہ بھی اجلاس میں شریک تھے۔
اجلاس میں ملک کی موجودہ سیاسی صورتِ حال اور مستقبل کے سیاسی لائحہ عمل پرتبادلہ خیال کیا گیا۔
