لاہور( نئی تازہ رپورٹ) لاہور ہائیکورٹ نے پاکستان تحریک انصاف کے 72 ارکان قومی اسمبلی کے استعفوں کی منظوری کا نوٹیفکیشن کالعدم قرار دے دیا۔ پی ٹی آئی کے تمام ارکان کو استعفے واپس لینے کے لیے اسپیکر کے سامنے پیش ہونے کی ہدایت کردی۔
جمعہ کوہائیکورٹ کے جسٹس شاہد کریم نے ریاض فتیانہ سمیت دیگرارکان کی درخواستوں پر فیصلہ سنایا اور تحریک انصاف کے 72 ارکان قومی اسمبلی کے استعفوں کی منظوری کا الیکشن کمیشن اور اسپیکر قومی اسمبلی کا نوٹیفکیشن کالعدم قرار دے دیا۔
عدالت نے فواد چوہدری، حماد اظہر، شاہ محمود، شفقت محمود اور ریاض فتیانہ سمیت 72 سابق ارکان کے استعفوں کی منظوری کا نوٹیفکیشن کالعدم قرار دیا۔
لاہور ہائیکورٹ نے پی ٹی آئی کے تمام ارکان کو استعفے واپس لینے کے لیے اسپیکر کے سامنے پیش ہونے کی ہدایت کی ہے ۔
