ملتان ( نئی تازہ رپورٹ) آئل مل کے کنویں میں گر کر یکے بعد دیگرے 4 مزدور جاں بحق ہوگئے۔
رپورٹس کے مطابق ملتان بہاولپور روڈ پر نجی آئی مل میں ایک مزدور تیل کا کنواں صاف کرتے ہوئے زہریلی گیس کی وجہ سے بے ہوش ہو کر کنویں میں گر گیا۔
بتایا گیا ہے کہ کنویں کے اندر تیل اور صابن کی باقیات موجود تھیں جس سے وہ موقع پر ہی جاں بحق ہو گیا اس دوران اپنے ساتھی کو بچانے کے لیے ایک ایک کرکے مزید 3 مزدور کنویں میں اترے تو وہ بھی زہریلی گیس کی وجہ سے بے ہوش ہو کر کنویں میں گر کر جاں بحق ہوگئے۔
ڈسٹرکٹ ایمرجنسی ریسکیو آفیسر ڈاکٹر محمد کلیم کے مطابق چاروں مزدوروں کی لاشیں نکال لی گئی ہیں ، انہوں نے ریسکیو آپریشن مکمل ہونے کا اعلان کیا جبکہ مزدوروں کی لاشیں نشتر ہسپتال منتقل کر دی گئی ہیں۔
