ریاض / تہران ( نئی تازہ رپورٹ) سعودی عرب میں ایرانی سفارت خانہ کھولنے بارے بات چیت کے لئے ایرانی وفد ریاض پہنچ گیا ہے ۔
ایرانی میڈیا کے مطابق وزارت خارجہ کے ترجمان ناصر کنانی نے ایک بیان میں کہا کہ ایرانی وفد ریاض میں سفارت خانہ اور جدہ میں قونصل خانہ کے قیام کے لیے ضروری اقدامات کرے گا۔
یاد رہے کہ گذشتہ ماہ چین کی کی کوششوں اورسہولت کاری کے نتیجہ میں سعودی عرب اور ایران نے مذاکرات کے بعد سفارتی تعلقات بحال کرنے پر اتفاق کیا تھا، جن میں سکیورٹی تعاون، تجارت، معیشت سمیت دیگر اہم شعبے شامل ہیں۔
سعودی عرب اور ایران کے سرکاری ذرائع ابلاغ نے تصدیق کی تھی کہ دونوں ممالک نے سات سال بعد سفارتی تعلقات بحال کرنے کا فیصلہ کیاہے ، سعودی عرب اور ایران نے اپنے سفارتی مشن کھولنے کے لئے اقدامات کر رہے ہیں۔
