مظفر آباد ( نئی تازہ رپورٹ) توہین عدالت کیس میں سردار تنویرالیاس کی نا اہلی کے بعد سینیئر وزیر خواجہ فاروق قائم مقام وزیراعظم آزاد کشمیر بن گئے ۔ صدر آزاد کشمیر بیر سٹر سلطان محمود نے سمری پر دستخط کر دیئے۔ خواجہ فاروق نیا وزیراعظم منتخب ہونے تک فرائض سر انجام دیں گے،
سردار تنویرالیاس نے سپریم کورٹ آزادکشمیر میں آج بدھ کو اپنی نا اہلی کے خلاف اپیل دائرکر نے کا اعلان کیا ہے۔
گزشتہ روز مظفر آباد ہائی کورٹ نے آزاد کشمیر کے وزیراعظم سردار تنویرالیاس کوتوہین عدالت کیس میں عدالت برخاست ہونے تک کی سزا سنائی تھی اور انہیں کسی بھی عوامی عہدے کے لیے نااہل قرار دیا تھا ، عدالت نے ان کی غیر مشروط معافی کی درخواست بھی مسترد کر دی تھی۔
سردارتنویر الیاس پر تقاریر میں اعلیٰ عدالتوں کے ججوں کے خلاف دھمکی آمیز لہجہ اختیار کرنے کا الزام ہے۔
