اسلام آباد( نئی تازہ رپورٹ) وزیراعظم شہباز شریف نے قومی سلامتی کمیٹی کا اجلاس جمعہ کو طلب کر لیا۔
ذرائع کے مطابق قومی سلامتی کمیٹی کا اجلاس کل جمعرات کو وزیراعظم ہاؤس میں ہو گا جس میں چیف آف آرمی سٹاف جنرل عاصم منیرسمیت عسکری قیادت شریک ہو گی، کمیٹی کے اجلاس میں وفاقی وزراء بھی شرکت کریں گے۔
ذرائع کے مطابق قومی سلامتی کمیٹی کے اجلاس کے شرکا کو پنجاب اور خیبر پختونخوا میں انتخابات کے معاملہ پر سپریم کورٹ کے فیصلے بعد ملک میں پیدا ہونے والی سیاسی صورتحال اور معاشی مسائل پر بریفنگ دی جائے گی۔ جبکہ دیگر اہم امور بھی زیر غور لائے جائیں گے۔
ذرائع نے بتایا کہ قومی سلامتی کمیٹی کے اجلاس میں اہم فیصلوں کی منظوری متوقع ہے۔
