اسلام آباد( نئی تازہ رپورٹ)وزارت پیٹرولیم نے کہا ہے روس سے جلد سستا تیل پاکستان لانے کی کوشش کررہے ہیں۔گزشتہ ہفتے روسی وفد اور پی ایس او حکام کے درمیان مذاکرات ہوچکے ہیں۔
پیٹرولیم ڈویژن کے ذرائع کے مطابق روس سے خام تیل کاپہلا آزمائشی کارگو اپریل میں لانے کی منصوبہ بندی کی گئی ہے، خام تیل کےکارگو کی وسط اپریل کے بعد پاکستان آمد متوقع ہے۔ ذرائع پیٹرولیم ڈویژن نے بتایا کہ روس سے تیل درآمد کیلئے ایس پی وی کمپنی کے قیام سمیت تمام امور پر پیش رفت جاری ہے، ایس پی وی کمپنی کے قیام کے لیےسیکیرٹیز انڈ ایکسچینج کمیشن آف پاکستان( ایس ای سی پی) سے رابطہ کیا جا رہا ہے۔
ترجمان پیٹرولیم ڈویژن کا کہنا ہےکہ روس سے تیل کی درآمد کے لیے دونوں ممالک مکمل رابطے میں ہیں، گزشتہ ہفتے روسی وفد کے کراچی میں پی ایس او حکام سے مذاکرات بھی ہوئے، حکام کوشش ہے روس سے جلد سستا تیل پاکستان آئے۔
