اسلام آباد ( نئی تازہ رپورٹ)اسلام آباد پولیس نے جلاؤ گھیراؤ، توڑ پھوڑ اور پولیس پر حملوں کے مقدمات میں مطلوب تحریک انصاف کے 198 کارکنوں کو گرفتار کر لیا۔
پولیس ترجمان کے مطابق اسلام آباد کیپیٹل پولیس نے مختلف کارروائیوں میں جلاؤ گھیراؤ کرنے والے 198 ملزمان کو گرفتار کرلیا۔ مزید گرفتاریوں کے لئے پولیس ٹیمیں چھاپے مار رہی ہیں۔
پولیس ترجمان کے مطابق وقوعہ میں ملوث تمام ملزمان کی کیمروں کی مدد سے شناخت کا عمل بھی جاری ہے۔ اسلام آباد پولیس نے پرتشدد واقعات پر تھانہ سی ٹی ڈی اور گولڑہ میں مقدمات درج کئے ہیں۔ مظاہروں میں شامل شرپسندوں کے پتھراو، جلاؤ گھیراؤ سے پولیس کے 58 افسران و جوان زخمی ہوئے۔
ترجمان نے کہا کہ جلاؤ گھیراؤ میں پولیس کی 4 گاڑیاں جل گئیں،9 گاڑیاں توڑ دی گئیں، 25 موٹر سائیکل جلا دئے گئے۔ ترجمان نے واضح کیا کہ پرتشدد کارروائیوں میں ملوث تمام شرپسند عناصر کو قانون کے کٹہرے میں لایا جائے گا۔
