پشاور( نئی تازہ رپورٹ) پشاور کے نواحی علاقے میں گھریلوجھگڑے پرملزم کی فائرنگ کے نتیجہ میں بیوی اور بیٹے سمیت تین افراد جاں بحق اور دو زخمی ہوگئے۔
میڈیا رپورٹ کے مطابق نواحی علاقے پخہ غلام میں شوہر نے گھریلو جھگڑے پراپنے گھر والوں پر فائرنگ کردی۔ رپورٹ کے مطابق ملزم کی فائرنگ سے اس کی بیوی اور بچے سمیت 3 افراد جاں بحق ہوگئے۔
فائرنگ کے واقعے میں جاں بحق افراد ہونے والوں کے علاوہ 2 افراد زخمی بھی ہوئے، جنہیں ہسپتال منتقل کر دیا گیا ہے جبکہ ملزم موقع سے فرار ہوگیا ۔
پولیس نے ملزم کی تلاش شروع کر دی ہے اورمختلف مقامات پر چھاپے مارے جارہے ہیں، پولیس کے مطابق ملزم کو جلد گرفتار کر لیا جائے گا۔
