اسلام آباد( نئی تازہ رپورٹ) پاکستان Pakistan میں کورونا کیسز Corona cases میں اضافے کے پیش نظراین سی او سی NCOC نے نئی گائیڈ لائنز جاری کر تے ہوئے رش والے مقامات پر ماسک Mask پہننا لازمی قراردے دیا ہے۔
جمعرات کو نیشنل انسٹیٹیوٹ آف ہیلتھ (این آئی ایچ) کی جانب سے جاری بیان میں بتایا گیا ہے کہ ملک میں بڑھتے ہوئے کورونا کیسزکے پیش نظر نیشنل کمانڈ اینڈ آپریشن سینٹر ( این سی او سی نے ہدایات جاری کی ہیں۔
این آئی ایچ کے مطابق این سی او سی نے رش والے مقامات پر ماسک پہننا لازمی قرار دیا ہے، ہسپتالوں میں بھی ماسک کا استعمال لازمی قرار دیا گیا ہے۔ این سی او سی نے نئی کورونا گائیڈ لائنز پر 30 اپریل تک عمل درآمد کرنے کی تجویز دی ہے۔
قومی ادار صحت کے مطابق پاکستان میں کورونا کے مثبت کیسز میں اضافہ ہورہا ہے ۔
تازہ اعداد و شمار میں بتایا گیا ہے کہ ملک بھر میں گزشتہ 24 گھنٹوں کے دوران کورونا کے 4334 ٹیسٹ کیے گئے جن میں سے 129 افراد میں وائرس کی تصدیق ہوئی۔ اس طرح کورونا کی شرح تقریباً 3 فیصد تک جا پہنچی ہے۔ جبکہ 14 مریضوں کی حالت تشویشناک ہے۔ یکم مارچ کو کورونا کے مثبت کیسز کی شرح صفر اعشاریہ 77 تھی جودو ہفتے کے دوران تین فی صد کے قریب پہنچ گئی ہے۔
