راولپنڈی ( نئی تازہ رپورٹ) جنوبی وزیرستان میں سکیورٹی فورسز کے آپریشن کے دوران 8 دہشت گرد مارے گئے، فائرنگ کے تبادلے میں 2 بچے شہید ہوگئے۔
پاک فوج کے شعبہ تعلقات عامہ ( آئی ایس پی آر) کی طرف سے جاری بیان کے مطابق سکیورٹی فورسزنےدہشت گردوں کی موجودگی کی اطلاع پر علاقے میں آپریشن کیا۔
آئی ایس پی آر کے مطابق جنوبی وزیرستان کے علاقے زنگارہ میں آپریشن کے دوران سکیورٹی فورسز کے ساتھ فائرنگ کے تبادلے میں 8 دہشت گرد ہلاک ہوگئے۔
بیان میں بتایا گیا ہے کہ آپریشن میں سکیورٹی فورسز کے دو جوان زخمی ہوئے جبکہ فائرنگ کے تبادلے کے دوران بدقسمتی سے 2 بچے بھی شہید ہوگئے۔
