کراچی ( نئی تازہ رپورٹ) سندھ پولیس کےمتعدد اہلکار جرائم پیشہ عناصراور ڈاکوؤں کی سہولت کاری میں ملوث نکلے۔حقائق کا علم ہونے پر کرنے پر کشمور پولیس کے 22 اہلکاروں کو معطل کردیا گیا۔
ایس ایس پی کشمور کے مطابق معطل کئے گئے 15 اہلکاروں میں اےایس آئی عہدےکاایک اہلکار شامل ہے، جبکہ 6 ہیڈ کانسٹیبل اور 15کانسٹیبل بھی معطل کئے گئے ہیں۔
ایس ایس پی کے مطابق معطل کیے جانے والے اہلکاروں پر جرائم پیشہ افراد اور ڈاکوؤں کی مخبری کا الزام ہے، مذکورہ اہلکار جرائم پیشہ افراد کے سہولت کار بنے ہوئے تھے۔
واضح رہے کہ کافی عرصہ سے پولیس آپریشنز کی اطلاع قبل از وقت جرائم پیشہ عناصر کو ہو جاتی تھی محکمہ کی طرف سے اس بارے میں خفیہ طریقے سے معلومات حاصل کی گئیں توکشمور پولیس کے 22 اہلکار جرائم پیشہ عناصراور ڈاکوؤں کی سہولت کاری میں ملوث پائے گئے جس پر ان کے خلاف کارروائی عمل میں لائی گئی۔
