لاہور ( نئی تازہ رپورٹ) تحریک انصاف کے رہنما فواد چوہدری نے کہا ہے کہ عمران خان کو رانا ثنااللہ کے حوالے نہیں کرسکتے، ان کی جان کو خطرہ ہے انہیں۔
لاہور میں صحافیوں سے گفتگو کرتے ہوئے فواد چوہدری نے کہا کہ اتھارٹیز لوگوں کی زندگیوں سے کھیل رہی ہیں، زمان پارک میں ہر جگہ آنسوگیس ہے،گھروں میں چھوٹے بچوں کی طبیعت بگڑگئی ہے
انہوں نے کہا کہ عمران خان کی جان کو خطرہ ہے، انہیں رانا ثنا اللہ کے حوالے نہیں کیا جا سکتا، انہوں نے کہا کہ آپ وارنٹ کی تعمیل چاہتے ہیں تو اسلام آباد ہائیکورٹ میں سماعت جاری ہے، پی ٹی آئی کہہ چکی ہے کہ عدالت جو فیصلہ کرے وہ من وعن تسلیم ہوگا۔
